I
Тэнхлэгээ хорин дөрвөн цагт 29.6 км/сек-ийн хурдтайгаар эргэж, нарыг жилдээ нэг удаа тойрдог, нарнаас 149.5х106 дэлгэрэнгүй...километр хол зайнд оршдог гараг: дэлхий дахин (бүх дэлхий), дэлхий судлал (дэлхийн газар зүйн бүрхэвчийн ерөнхий зүй тогтлыг судалдаг ухаан), дэлхийн аварга (дэлхийн хэмжээнд зохиогдсон албан ёсны тэмцээн, уралдаанд түрүүлэгч, дэлхийн аварга цолыг хүртэгч) - Канадад нэг бяцхан охин уран гулгалтын дэлхийн аварга болов гэж зүүдэлж байгаа юм. З. Түмэнжаргал. Шагналын зүүд., дэлхийн байдал [хуучирсан] (газар зүй) - Тэнгэр дэлхийн байдал ч зуд шуурга хатуу бэрх цагийг нөгцөөж, тэр зун хур бороо орж, өвс ургамал дэлгэрч, айлын мал тэвээрэн өөдлөх шинжийг олжээ. С. Буяннэмэх. Малчин Товуудай., дэлхийн банк (дэлхийн буурай хөгжилтэй орнуудад тусалдаг олон улсын санхүүгийн байгууллага), дэлхийн бөмбөрцөг (нарны аймгийн дотроос гуравдугаарх гараг) - Хэмингуэй, хэзээ ч билээ дээ, дэлхийн бөмбөрцөг жинхэнэ хайр сэтгэлээрээ харилцан дурлалцсан хүмүүсийн төлөө эргэлддэг гэж бичсэнийг уншиж байсан шиг санагдах. Б. Бааст. Юмдүүжин., дэлхийн бүслүүр (экватор), дэлхийн гадарга (дэлхийн өнгөн хөрс), дэлхийн дайн (олон улс орныг хамарсан дайн) - Хорин дөрвөн жилийн өмнө, нэгэн улс нэгэн улсынхаа хунтайжийг алснаар шалтаг болгож бүх дэлхийн дайн гэгч үүссэн юм шүү!. Б. Нямаа. Бид гурав., дэлхийн дагуул (сар), дэлхийн татах хүч (дэлхийн хүндийн хүч), дэлхийн тойрог зам (дэлхийн тэнхлэгээ эргэх даялал зам), дэлхийн туйл (дэлхийн өмнө, умар соронзон туйл), дэлхийн хүйс (дэлхийн гадаргын төв хэсэг), дэлхийн цардас (газрын өнгөн талын хатуу давхарга), дэлхийн цөм (дэлхийн бөмбөрцгийн төв хэсэг), дэлхийн шим мандал (амьдрал тэтгэгч үржил шимт хэсэг), дэлхийн эргэлт (цагийн зүүний эсрэг чиглэлээр дэлхий тэнхлэгээ эргэх), дэлхийн эргэх хурд (дэлхий тэнхлэгээ тойрох тогтмол хурд), алаг дэлхий (энэ ертөнц) - - Аравхан настай, алдхан биетэйдээ монгол бичиг сурч, улмаар багшийн сургууль төгсөөд, сүүлийн гучин таван жилд нь алаг дэлхийн тоосон дунд амьдралын олон өнгөт үйл явдал үзэж өнгөрчээ. Б. Бааст. Дуусашгүй хайр., алтан дэлхий (алаг дэлхий) - Нар шингэх үед үүл, хоёр жигүүрээ чадал мэдэн тэлж хүнд, өргөн хар цээжээрээ хөрст алтан дэлхий дээгүүр аажим аажмаар урагшлан мөлхөж байлаа. Б. Бааст. Гэнэн хонгор нас., хүж дэлхий (бүх дэлхий), эх дэлхий (манай гараг) - Орчлон дэлхий дээр олуулаа төрлөө дөө, Огторгуйн улаан наран гийгүүлээд л байна уу даа хөө. ААЗ., байгаль дэлхий [хоршоо] (дэлхий ертөнц) - Хүний нэгэн насанд байгаль дэлхий, цаг уур хүртэл хувиран өөрчлөгдөх юм. С. Эрдэнэ. Өвгөн хүн Чулуу хоёр., бөмбөрцөг дэлхий [хоршоо] (хүн төрөлхтний оршин амьдарч буй гараг), газар дэлхий [хоршоо] (эх дэлхий) - Доржийг буурынхаа дэргэд хоноод босоход газар бараан, тэнгэр дүнсгэр, гол төлөв их цас орохоос өмнө агаар хүнд, салхи савиргүй байдаг ёсоор байсан бөгөөд буураа орхин явахад цас асгаран газар дэлхий бууралтаж эхэлжээ. Д. Намдаг. Цаг төрийн үймээн., дэлхий ертөнц [хоршоо] (алаг дэлхий) - Дэлхий ертөнц гэдэг ч уужимхан, тэгээд ч их сонин юм байна. Б.Өлзийсүрэн. Замын хүзүү., орчлон дэлхий [хоршоо] (сансар, сав шим ертөнц) - Бүх орчлон дэлхий өглөөний зөөлөн шаргал нарнаа умбажээ. С. Эрдэнэ. Хөх хулгана жил., тив дэлхий [хоршоо] (а. Бидний эх дэлхий; б. [шилжсэн] Газар бүр, дэлхий даяар) - Танай ээж тив дэлхий хэрэн хэсэн явсаар өвчин бүрийг эдгээдэг үрлэн цагаан чулуугаа амандаа зуугаад ирнэ. Т. Баасансүрэн. Намар., хангай дэлхий [хоршоо] (газар дэлхий, уул ус) - Намрын шар нар ч гэлээ цөөхөн хоногийн тоотой, тэр цөөн хоногт хангай дэлхий бодол болон байх мэт дуниартан намжаарна. С. Эрдэнэ. Хангай., хорвоо дэлхий [хоршоо] (бидний амьдарч байгаа гараг ертөнц) - Цас, хөгжим хоёр бие биеийгээ даган баясах мэт сэтгэлд таатай тэр байдал удсангүй өөрчлөгдөж хорвоо дэлхий үзэгдэхээ болив. Л. Түдэв. Цагаан үхэл., *дэлхий дэлэнтэй (газар дэлхий хур бороо, ургац сайтай).
Ижил үг
